[15] (ก) น จิตฺตํ น จิตฺตสงฺขาโรติ?
จิตฺตสงฺขาโร น จิตฺตํ, จิตฺตสงฺขาโรฯ จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโรฯ
(ข) น สงฺขารา น กายสงฺขาโรติ? อามนฺตาฯ
(ก) น จิตฺตํ น จิตฺตสงฺขาโรติ?
จิตฺตสงฺขาโร น จิตฺตํ, จิตฺตสงฺขาโรฯ จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโรฯ
(ข) น สงฺขารา น วจีสงฺขาโรติ? อามนฺตาฯ
3. สุทฺธสงฺขารวาโร
(ก) อนุโลมํ
[16] (ก) กายสงฺขาโร วจีสงฺขาโรติ? โนฯ
(ข) วจีสงฺขาโร กายสงฺขาโรติ? โนฯ
(ก) กายสงฺขาโร จิตฺตสงฺขาโรติ? โนฯ
(ข) จิตฺตสงฺขาโร กายสงฺขาโรติ? โนฯ
(ก) วจีสงฺขาโร จิตฺตสงฺขาโรติ? โนฯ
(ข) จิตฺตสงฺขาโร วจีสงฺขาโรติ? โนฯ
(ข) ปจฺจนีกํ
[17] (ก) น กายสงฺขาโร น วจีสงฺขาโรติ?
วจีสงฺขาโร น กายสงฺขาโร, วจีสงฺขาโรฯ กายสงฺขารญฺจ วจีสงฺขารญฺจ ฐเปตฺวา อวเสสา น เจว กายสงฺขาโร น จ วจีสงฺขาโรฯ
(ข) น วจีสงฺขาโร น กายสงฺขาโรติ?
กายสงฺขาโร น วจีสงฺขาโร, กายสงฺขาโรฯ วจีสงฺขารญฺจ กายสงฺขารญฺจ ฐเปตฺวา อวเสสา น เจว วจีสงฺขาโร น จ กายสงฺขาโรฯ
(ก) น กายสงฺขาโร น จิตฺตสงฺขาโรติ?
จิตฺตสงฺขาโร น กายสงฺขาโร, จิตฺตสงฺขาโรฯ กายสงฺขารญฺจ จิตฺตสงฺขารญฺจ ฐเปตฺวา อวเสสา น เจว กายสงฺขาโร น จ จิตฺตสงฺขาโรฯ
(ข) น จิตฺตสงฺขาโร น กายสงฺขาโรติ?
กายสงฺขาโร น จิตฺตสงฺขาโร, กายสงฺขาโรฯ จิตฺตสงฺขารญฺจ กายสงฺขารญฺจ ฐเปตฺวา อวเสสา น เจว จิตฺตสงฺขาโร น จ กายสงฺขาโรฯ
[18] (ก) น วจีสงฺขาโร น จิตฺตสงฺขาโรติ?
จิตฺตสงฺขาโร น วจีสงฺขาโร, จิตฺตสงฺขาโรฯ วจีสงฺขารญฺจ จิตฺตสงฺขารญฺจ ฐเปตฺวา อวเสสา น เจว วจีสงฺขาโร น จ จิตฺตสงฺขาโรฯ
(ข) น จิตฺตสงฺขาโร น วจีสงฺขาโรติ?
วจีสงฺขาโร น จิตฺตสงฺขาโร, วจีสงฺขาโรฯ จิตฺตสงฺขารญฺจ วจีสงฺขารญฺจ ฐเปตฺวา อวเสสา น เจว จิตฺตสงฺขาโร น จ วจีสงฺขาโรฯ
ปณฺณตฺตินิทฺเทสวาโรฯ
2. ปวตฺติวาโร 1. อุปฺปาทวาโร
(1) ปจฺจุปฺปนฺนวาโร
(ก) อนุโลมปุคฺคโล
[19] (ก) ยสฺส กายสงฺขาโร อุปฺปชฺชติ ตสฺส วจีสงฺขาโร อุปฺปชฺชตีติ?
วินา วิตกฺกวิจาเรหิ อสฺสาสปสฺสาสานํ อุปฺปาทกฺขเณ เตสํ กายสงฺขาโร อุปฺปชฺชติ, โน จ เตสํ วจีสงฺขาโร อุปฺปชฺชติฯ ปฐมชฺฌานํ สมาปนฺนานํ กามาวจรานํ อสฺสาสปสฺสาสานํ อุปฺปาทกฺขเณ เตสํ กายสงฺขาโร จ อุปฺปชฺชติ วจีสงฺขาโร จ อุปฺปชฺชติฯ
(ข) ยสฺส วา ปน วจีสงฺขาโร อุปฺปชฺชติ ตสฺส กายสงฺขาโร อุปฺปชฺชตีติ?
วินา อสฺสาสปสฺสาเสหิ วิตกฺกวิจารานํ อุปฺปาทกฺขเณ เตสํ วจีสงฺขาโร อุปฺปชฺชติ, โน จ เตสํ กายสงฺขาโร อุปฺปชฺชติฯ ปฐมชฺฌานํ สมาปนฺนานํ กามาวจรานํ อสฺสาสปสฺสาสานํ อุปฺปาทกฺขเณ เตสํ วจีสงฺขาโร จ อุปฺปชฺชติ กายสงฺขาโร จ อุปฺปชฺชติฯ
(ก) ยสฺส กายสงฺขาโร อุปฺปชฺชติ ตสฺส จิตฺตสงฺขาโร อุปฺปชฺชตีติ? อามนฺตาฯ
(ข) ยสฺส วา ปน จิตฺตสงฺขาโร อุปฺปชฺชติ ตสฺส กายสงฺขาโร อุปฺปชฺชตีติ?
วินา อสฺสาสปสฺสาเสหิ จิตฺตสฺส อุปฺปาทกฺขเณ เตสํ จิตฺตสงฺขาโร อุปฺปชฺชติ, โน จ เตสํ กายสงฺขาโร อุปฺปชฺชติฯ อสฺสาสปสฺสาสานํ อุปฺปาทกฺขเณ เตสํ จิตฺตสงฺขาโร จ อุปฺปชฺชติ กายสงฺขาโร จ อุปฺปชฺชติฯ
[20] (ก) ยสฺส วจีสงฺขาโร อุปฺปชฺชติ ตสฺส จิตฺตสงฺขาโร อุปฺปชฺชตีติ? อามนฺตาฯ
(ข) ยสฺส วา ปน จิตฺตสงฺขาโร อุปฺปชฺชติ ตสฺส วจีสงฺขาโร อุปฺปชฺชตีติ?
วินา วิตกฺกวิจาเรหิ จิตฺตสฺส อุปฺปาทกฺขเณ เตสํ จิตฺตสงฺขาโร อุปฺปชฺชติ, โน จ เตสํ วจีสงฺขาโร อุปฺปชฺชติฯ วิตกฺกวิจารานํ อุปฺปาทกฺขเณ เตสํ จิตฺตสงฺขาโร จ อุปฺปชฺชติ วจีสงฺขาโร จ อุปฺปชฺชติฯ